Можете бывати зарівно у варошу і у селі (по нашому, русински)

Дакотре люди тужять по жывоті на селі, але їх фамілія з тім несогласить, бо їм ліпше выговуэть містскій жывот. На Словачіні суть місця, де годен жити у варошох, котре мають зарівно атрібуты валалу. Эднім з такых варошів суть Меджілабірци. Великов выгодов Меджілабірцив єст їх чістый люфт порівнательный из воздухом у Высокых Татрах, зато бо ту мало прэмыслу. Моя мама, кидь гев перший раз пришла, такой повіла, же ту люфт як в Татрах. У недалеким селі Полата єст подля мираня докінца ищі чістійший люфт ніж у Высокых Татрах. Зато Меджілабірчи одпоручаю тім, котре мають проблеми з дыхацима цестами у дослідку знечистеного воздуха. 
Дальшов великов выгодов Меджілабірцив суть низке ціны бытів у місті. Чей найтунше на Словачіні. У року 2008 мы ту купили эднохыжовый быт на сидлиску Верйх за 4979 Еур а у тот рік купила єдна пані у нашим вході питный быт за 5974 Еур. И ціны векших бытів суть ту овельо тунше ніж у инших варошох. То запричінено тім, же ту мало працовных нагод. ПРІ КУПОВАНЮ БЫТУ СЯ ТРЕБА ВЫГНУТИ РЕАЛИТНЫМ КАНЦЕЛАРИЯМ, БО ПАК БЫ СТЕ КУПОВАЛИ ЗА ДОРОГШО. Бываня у Меджілабірцах єст вгодне про пензистів, людей, якы довгий час робять у заграничю а самособов про тых, котры гледають два у эднім, то значіть варош і село на єднім місцю. Берте до уваги, же кідь, наприклад, у Кошицах продате єднохыжовый быт за 1 000 000 Ск, у Меджілабирцах подобный быт купите за 180 000 Ск. Из пинязів, яке здобыэте розділом прі продаю а купованю быту можете у Меджілабірцах слушні жити і киби сте дочасні были без роботы. А окрім того собі можете частку из тіх пинязів дати зурочити у банці. І фундуші суть ту непорівнательні тунше, прото можете зачати реально роздумовати о купиню фундуша а будованю хыжи. Хоч эст терер у Меджілабірцах недостаток робочих нагод, то іщи незначить, же то так буде навікы. Даколи може і до Меджілабірцив прийдуть інвестори а отворять ту нове фирмы, або заводы. Дані з року 2004 гварять, же у Меджілабірцах было у тім часі 6665 жытелів. Векшина жытелів ту єст русинской народности. У року 1995 быв на Словачині кодификованый русинский язык. Киби дахто мав интерес научити ся бисидовати по русинскы, охотни Русини (правда ні шытке суть охотни) вас научять бисидовати по нашому. А найліпше ся чуже бисиды учять тогды, кидь чоловік жиєть у оточенню, де ся даний язык бежні вживать. Знаме суть і прекрасне мелодічне русинске співанки. Музей Андиго Варгола єст найбільшим магнетом Меджілабірцив, якый притягуэть турістів. Транспортне споїня до Меджілабірцив ест автобусом, або железніцив. Влакы ту промавають аж до недалекого Польска. На польску границю то ест коло 11 км. Чаро а притяжлівість Меджілабірцив суть так безспорне. Сподівам ся, же єм вам дав доброго хробака до головы.